ભદોહી જિલ્લાના જ્ઞાનપુરમાં
ભદોહી,તા.૧૨
ભદોહી જિલ્લાનાં જ્ઞાનપુરમાં શનિવારે સવારે શાળાની વાનમાં સિલિન્ડર ફાટવાથી ૧૨થી વધુ બાળકો દાઝ્યા હતા, જેમાં ૩ બાળકોની હાલત ગંભીર છે. આ વાન બાળકોને શાળાએ મુકવા માટે જઈ રહી હતી. જ્યારે આ વાન કોતવાલીનાં નથઈપુર નજીક પહોંચી ત્યારે અચાનક જ સિલિન્ડર ધડાકા સાથે ફુટ્યો હતો.
શાળાની આ વાનમાં રસોઈમાં ઉપયોગમાં લેવાતો સિલિન્ડર લગાવેલો હતો. જેમાં ૧૨ બાળકો સવાર હતા. આ તમામ ગંભીર રીતે દાઝ્યા હતા. આ તમામને સારવાર અર્થે વારાણસી હોસ્પિટલ ખાતે ખસેડવામાં આવ્યા છે.
ઘટના અંગેની જાણ થતા જ બાળકોનાં માતા પિતા પણ હોસ્પિટલ ખાતે પહોંચી પ્રદર્શન કરવા લાગ્યા હતા. તેઓ સ્કૂલવેનનાં માલિક સહિત સંબંધિત તમામ અધિકારીઓ પર કાર્યવાહી કરવાની માંગ કરી રહ્યા છે.
"વંદે માતરમ ,ભારત માતાકી જય"
