ભૂવનેશ્વર,તા.૩
ઓડિશામાં ભારે પવન અને તોફાનન કારણે આઠ લોકોના મોત થયા છે. જ્યારે પાંચ જેટલા લોકો ઘાયલ થયા છે. રવિવારે રાત્રે કોરાપુર, જાજપુર અને ગંજમમાં પવન સાથે ભારે વરસાદ પડ્યો હતો. જેના કારણે ભારે નુકસાનની આશંકા વ્યક્ત કરવામાં આવી રહી છે. વરસાદથી અનેક વિસ્તારમાં વીજ વ્યવ્હાર ખોરવાયો અને પાણી ભરાયા છે. જેથી અનેક વિસ્તાર સંપર્ક વિહોણા બન્યા છે.
મળતી માહિતી પ્રમાણે જે વિસ્તારમાં વીજ પુરવઠો ખોરવાયો છે જેને ફરીવાર શરૂ કરવા બે દિવસ જેટલો સમય લાગશે. આ પહેલા ઓડિસામાં આવેલા ફાની તોફાન બાદ મોટુ નુકસાન થયુ હતુ. પુરી, ભુવનેશ્વરમાં અનેક લોકો ઘર વિહોણા બન્યા હતા. ત્યારે ફરીવાર ઓડિશામાં આવેલા તોફાનના કારણે લોકોની મુશ્કેલીમાં વધારો થયો છે.
"વંદે માતરમ ,ભારત માતાકી જય"
