કરાચીથી બલૂચિસ્તાન પંજગુરુ જઇ રહેલી બસમાં ૪૦ લોકો સવાર હતા
બલૂચિસ્તાન,તા.૨૨
પાકિસ્તાનના બલૂચિસ્તાનમાં ઓઇલ ટેન્કર અને એક બસ વચ્ચે દુર્ઘટના થઇ છે. આ દુર્ઘટનામાં લગભગ ૨૭ લોકોના મોત થયા છે અને ૧૬ લોકો ઘાયલ થયા છે. પ્રાપ્ત માહિતી મુજબ મૃત્યુઆંક વધવાની સંભાવના છે.
પોલીસે મંગળવારે જણાવ્યું હતું કે, હબની પાસે લસબેલા જિલ્લામાં બસને પૂર ઝડપે આવી રહેલા ટ્રકે ટક્કર મારી હતી. કરાચીથી બલૂચિસ્તાન પંજગુરુ જઇ રહેલી બસમાં ૪૦ લોકો સવાર હતા. એક વરિષ્ઠ અધિકારીએ જણાવ્યું હતું કે, ટ્રકમાં ઇંઘણ હોવાને કારણે અકસ્માન થતા તેમાં ભીષણ આગ લાગી ગઇ હતી. તેમણે જણાવ્યું હતું કે, ચાત્રીઓ પોતાનો જીવ બચાવવા માટે બસમાંથી કૂદવા લાગ્યા હતા પરંતુ કેટલાક યાત્રીઓ બસની અંદર જ ફસાઇ ગયા હતા.
અધિકારીએ જણાવ્યું હતું કે, બસની અંદરથી ૨૭ શબ મળ્યા છે. લસબેલાના નાયબ કમિશ્નર શબ્બિર મેંગલે જણાવ્યું હતું કે, તમામ લોકોના મોત આગ લાગવાને કારણે થયા છે. તેમણે જણાવ્યું હતું કે, ઘાયલોને હોસ્પિટલમાં ખસેડવામાં આવ્યા છે. જા કે જેમાંથી ૬ની સ્થિતિ ગંભીર છે.
ઈદી ફાઉન્ડેશનના એક બચાવ અધિકારીએ જણાવ્યું હતું કે, સુવિધાઓના અભાવ અને એમ્બયુલન્સની અછતને કારણે ઘાયલોને કરાચી લઇ જવામાં મુશ્કેલી પડી રહી છે. મોટા ભાગના શબ એટલી હદે બળી ગયા છે કે તેમની ઓળખ કરવી પણ મુશ્કેલ છે.
"વંદે માતરમ ,ભારત માતાકી જય"
