ચેન્નાઇ,તા.૧
તમિલનાડુમાં પાર્ટીઓ દ્વારા ચૂંટણી વખતે ટેલિવિઝન સેટ્સથી લઇને સાડી સુધીની ભેટ સોગાદો મતદાતાઓને આપવાની એક પરંપરા છે. પરંતુ આ વખતે નેતાઓ તેમની પાર્ટીના વફાદાર કાર્યકરોને વધુ સારી ઓફર કરી રહ્યા છે. ઉમેદવારો માટે મતો જીતવાની ખાતરી કરી આપે તેવા પાર્ટી કેડર્સને સોનાની ચેઇનો, વિંટીઓ, રેફ્રિજેટર્સ, મોટરબાઇક્સ અને વિદેશી ટ્રિપ્સ સુધીની ભેટ સોગાદો અપાઇ રહી છે.
આઇટી વિભાગ આવી બાતમીના આધારે દરોડા પણ પાડી રહી છે. તાજેતરમાં વેલ્લોરથી આવા જ એક ઉમેદવાર કથીર આનંદ આમાં સપડાઇ ગયા છે. આઇટીએ તેમન ત્યાં દરોડા પાડીને ૧૦ લાખ કબજે કર્યા છે. કથિર ડીએમકેના ખજાનચી એસ દુરાઇમુરુગનના પુત્ર છે. પૂર્વ કેન્દ્રીય મંત્રી અને અરાક્કોનમથી ડીએમકેના ઉમેદવાર જગતરક્ષનને આ ટ્રેન્ડ શરૂ કર્યો હતો. તેમણે વચન આપ્યું હતું કે જ્યાંથી તેમને વધુ મતો મળશે તે વિધાનસભા સેગમેન્ટને એક કરોડ આપવામાં આવશે.
રાજ્યમાં અનેક શૈક્ષણિક સંસ્થાઓ ચલાવતાં જગતરક્ષનન એક હોટેલ પણ ધરાવે છે અને તમિલનાડુમાં ચારમાંથી એક અબજપતિ ઉમેદવાર છે. દુરાઇમુરુગને જણાવ્યું હતું કે જગતરક્ષનનના ‘પ્રોત્સાહનો’ સારા માર્ક્સ અને ફર્સ્ટ રેન્ક લાવનાર વિદ્યાર્થીને જેમ ઇનામ અપાય છે તેવા હોય છે. રોકડના ઇનામથી પાર્ટી કાર્યકરોને પ્રેરણા મળશે અને તેમની વચ્ચે હેલ્ધી સ્પર્ધાને પ્રોત્સાહન મળશે. આનાથી હેતુ સર થશે અને પાર્ટીના ઉમેદવારનો વિજય થશે.
ડીએમકે ખજાનચીએ પોતે પણ એસેમ્બલી સેગમેન્ટના પાર્ટી કાર્યકરને ૫૦ લાખના ‘રોકડ ઇનામ’ની ઓફર કરી છે. વેલ્લોમાં તેમના પુત્ર માટે સૌથી વધુ મતો જેના સેગમેન્ટમાં આવશે તેને આ ઇનામ મળશે. જોકે તેમાં એક શરત પણ છે. પૈસાનો ઉપયોગ એસેમ્બલી સેગમેન્ટમાં પાર્ટીની ઓફિસ બાંધવા જેવી વિકાસલક્ષી પ્રવૃત્તિઓ માટે ઉપયોગમાં લઇ શકાશે.
"વંદે માતરમ ,ભારત માતાકી જય"
