ન્યુ દિલ્હી,તા.૧૨
કેન્દ્ર સરકારે રાજ્ય સરકારોને આંતરિક સુરક્ષા મુદ્દે ચીન, ઈરાન અને અફઘાનિસ્તાન જેવા કેટલાક દેશોની એજન્સીઓ સાથે પ્રત્યક્ષ રીતે સંપર્ક નહીં રાખવા જણાવ્યું છે. કેન્દ્રે કહ્યું કે રાષ્ટ્રીય સુરક્ષાના હિતમાં કોઈપણ પ્રકારનો સંવાદ કરવો નહીં અને કેન્દ્ર મારફતે જ કરવો. તમામ મુખ્ય સચિવોને હાલમાં આ અંગે ગૃહ મંત્રાલયે પત્ર મોકલ્યો છે.
મંત્રાલયે નિર્દેશ આપ્યો છેકે રાજ્ય પોલીસ દળોને મંત્રાલયની પૂર્વ સલાહ વગર ચિંતાજનક વિષયો પર દેશની સંસ્થાઓ અથવા એજન્સીઓના કોઈપણ આગ્રહ પર વિચાર કરવા અથવા આગળ વધારવાના નિર્દેશ ના આપવામાં આવે.
પત્રમાં જણાવ્યું છે કે, ‘ગૃહ મંત્રાલયની જાણમાં આવ્યું છે કે ચિંતાજનક કેટલાક દેશોની વિદેશી સંસ્થા, એજન્સીઓ પરસ્પર સહયોગ, પ્રશિક્ષણ, સંયુક્ત અભ્યાસ, વિચારોના આદાન-પ્રદાન વગેરે માટે ગૃહ મંત્રાલયના માધ્યમથી નિમંત્રણ મોકલ્યા વગર પ્રત્યક્ષ રીતે રાજ્યો અથવા કેન્દ્ર શાસિત પ્રદેશોને નિમંત્રણ મોકલી રહી છે.’ મંત્રાલયે જણાવ્યું કે તે એ વાતને માને છે કે આંતરાષ્ટ્રીય સ્તરે કાયદાના અમલીકરણ માટે સહયોગ જરૂરી છે, પરંતુ રાષ્ટ્રીય સરુક્ષાના હિતની દ્રષ્ટિએ વિદેશી સંસ્થાઓ અથવા એજન્સીઓ ખાસ કરીને ચિંતાજનક દેશોની સંસ્થાઓ સાથે સંપર્ક કરતા પૂર્વ સતર્ક રહે તેમની સામે સાવચેતીનું વલણ અપનાવવાની જરૂર છે.
મંત્રાલયના અધિકારીઓના જણાવ્યા મુજબ આંતરરાષ્ટ્રીય સહયોગ જેમ કે ફોરેન્સિક, વિસ્ફોટ, તપાસ, હથિયારો તેમજ સુરક્ષા ઉપકરણોની સરકારી ખરીદી સંબંધિત અધિકારીઓના પ્રશિક્ષણ વગેરે માટે સરકારે કેન્દ્રીય ગુપ્તચર એજન્સીઓની મદદ હેતુ ચિંતાના વિષય ધરાવતા વિવિધ દેશોની ઓળખ કરી છે.
(જી.એન.એસ.)
જંગ એ ગુજરાત અખબાર
૧૫ મી ઓગસ્ટ ના રોજ ૧૫ માં વર્ષ માં આપ સૌ ના આશીર્વાદ થી પ્રવેશે છે.🎂
જંગ એ ગુજરાત ના વેબ ન્યૂઝ પોર્ટલ માટે
માનદ પ્રતિનિધિ નિમવાના છે તો સંપર્ક કરો
Mo. 9978406923
PRESS card આપવામાં આવશે
"વંદે માતરમ ,ભારત માતાકી જય"
