દહેરાદૂન,તા.૮
માનવ રહિત વિમાન- ડ્રોન દ્વારા ટિહરી જિલ્લાના દુર્ગમ સ્થાનથી ૩૬ કિમી દૂર લોહીના નમૂનાને સફળતાપૂર્વક પહોંચાડાયું હતું. આ એક અનોખો અને ખૂબ જ મહત્વનો પ્રયોગ હતો. જેના સફળ થવા પર ગ્રામ્ય અને દુર્ગમ વિસ્તારોમાં આરોગ્યને લગતી સેવાઓ ઉપલબ્ધ કરાવવામાં ક્રાંતિ સર્જાઈ શકે છે.
ડ્રોન દ્વારા લોહીના સેમ્પલ ટિહરીના એક દુર્ગમ વિસ્તારમાં આવેલ પ્રાથમિક આરોગ્ય કેન્દ્રથી ટિહરીના બુરાડી જિલ્લા હોસ્પિટલ સુધી પહોંચાડવામાં આવ્યા. રોડ દ્વારા આ સેમ્પલ પહોંચાડવામાં જેટલો સમય અને ઊર્જા ખર્ચ થાય તેના કરતા સાવ નજીવા સમયમાં આ કામ થઈ ગયું હતું. જિલ્લા હોસ્પિટલના ચીફ મેડિકલ સુપ્રિટેન્ડેન્ટ ડા. એસ. એસ. પાંગતીએ જણાવતા કહ્યું કે, આ પ્રયોગ ટિહરી ગઢવાલમાં ચાલી રહેલા ટેલિ-મેડિસિન પ્રોજેક્ટનો ભાગ હતો.
ડો. પાંગતીએ કહ્યું કે, ડ્રોને નંદગામ PHC થી બુરાડી હોસ્પિટલ સુધી ૩૬ કિમીનું અંતર ફક્ત ૧૮ મિનિટમાં પૂરું કરી લીધું હતું. જ્યારે રોડ માર્ગે અહીં આવવામાં દોઢ-બે કલાક જેટલો સમય લાગે છે. ડ્રોનમાં બ્લડ સેમ્પલની સાથે સાથે એક કુલિંગ કિટ પણ હતી કે જેથી બ્લડ સેમ્પલ ખરાબ ન થઈ જાય.
આ ડ્રોનને સીડી સ્પેસ રોબોટિક્સ લિ. નામની કંપનીએ બનાવ્યું હતું. જેના માલિક નિખિલ ઉપાધે છે જેઓ IIT કાનપુરના વિદ્યાર્થી રહી ચુકવ્યા છે. આ કંપની ભવિષ્યના ટ્રાન્સપોર્ટેશનને ધ્યાને રાખીને ખૂબ જ અત્યાધુનિક ડ્રોન વિકસિત કરી રહી છે. ઉપાધેનું કહેવું છે કે, ‘અમે જે ડ્રોન બનાવ્યા છે તેમાં કૂલિંગ કિટ સાથે સાથે ઈમર્જન્સી દવાઓ અને બ્લડ યુનિટને ટ્રાન્સફર કરવાની ક્ષમતા છે.
"વંદે માતરમ ,ભારત માતાકી જય"
