કઠુઆ,તા.૮
દેશના અલગ-અલગ ભાગોમાં ચાલતા શેલ્ટર હોમ્સમાં બાળકો સાથે યૌન શોષણના કિસ્સાઓ સતત સામે આવી રહ્યા છે. ત્યાં જમ્મુ-કાશ્મિરના કઠુઆ જીલ્લામાં પણ ગેરકાયદેસર ચાલતા છાત્રાલયના સંચાલનનો મામલો બહાર આવ્યો છે. મામલાની તપાસ કરતા પોલીસે આ બાળ સુધાર ગૃહમાંથી વીસ જેટલા સગીર બાળકોને મુક્ત કરાવ્યા હતા. આ બધા બાળકોને કેરળના એક રહેવાસીના ઘરમાંથી છોડાવામાં આવ્યા હતા. આ ગેરકાયદેસર છાત્રાલયના સંચાલકે પોતાને પઠાણકોટના એક ચર્ચનો સભ્ય બતાવ્યો હતો પરંતુ ચર્ચે તેની સાથેના સંબધોને નકાર્યા હતા.
થોડા સમય પહેલા જ કઠુઆમાં ગુર્જર બકરવાલ સમુદાયની એક બાળકી સાથે ગેંગરેપ કરી નિર્દયી હત્યાનો કેસ સામે આવ્યો હતો. જેના વિરોધમાં દેશભરમાં લોકોએ ભારે રોષ વ્યક્ત કર્યો હતા. સૂત્રો મુજબ શુક્રવાર સાંજે પાંચ વાગ્યે કઠુઆ પોલીસની એક વિશેષ ટીમે શહેરના બસ સ્ટોપ પાસે ચાલતા છાત્રાલયમાં દરોડા પાડ્યા હતા. બે કલાક ચાલેલા ઓપરેશન બાદ વીસ બાળકોને મુક્ત કરવામાં આવ્યા હતા. આ મામલામાં એન્થની નામના શખ્સની ધરપકડ કરવામાં આવી હતી. પોલીસ તપાસમાં જાણવા મળ્યું હતું કે આ બાળકો ચાર વર્ષથી અહી રાખવામાં આવ્યા હતા, અહી તેમને નિઃશુલ્ક સુવિધાઓ પુરી પાડવામાં આવતી હતી.
પોલીસ મુજબ આ બધા બાળકોને પંજાબ, હિમાચલ પ્રદેશ, અને જમ્મુ-કાશ્મિરથી લાવામાં આવ્યા હતા અને સંચાલક એન્થનીના ઇશારે તેમનું શારિરીક શોષણ કરવામાં આવતું હતું. તેમજ બળજબરી પૂર્વક તેમને નશીલા પદાર્થોનું સેવન કરાવામાં આવતું હતું. કઠુઆના નાયબ કમિશનર રોહિત ખજૂરિયાએ જણાવ્યું હતું કે હાલમાં બધા જ બાળકોને નારી નિકેતન અને બાળ સુધાર ગૃહની દેખરેખમાં રાખવામાં આવ્યા છે.
થોડા સમય પહેલા બિહારના મુઝફ્ફરપુરના શેલ્ટર હોમમાંથી ૩૪ બાળાઓ સાથે જાતીય શોષણનો મામલો આવ્યા પછી બિહાર સરકારે આ કેસમાં સીબીઆઇ તપાસની માંગણી કરી હતી. ઉત્તર પ્રદેશના દેવરિયા જીલ્લામાં પણ એક નારી સંરક્ષણ ગૃહમાં બાળાઓ સાથે યૌન શોષણનો મામલો સામે આવ્યો હતો.
(જી.એન.એસ)
જંગ એ ગુજરાત ના વેબ ન્યૂઝ પોર્ટલ માટે
માનદ પ્રતિનિધિ નિમવાના છે તો સંપર્ક કરો
MO. 9978406923
PRESS CARD આપવામાં આવશે.
આવતી કાલના સમાચાર પત્રો ના સંભવિત સમાચાર આજેજ નિહાળો.(રોજ રાત સુધી માં 100 થી વધુ સમાચાર માટે જોતા રહો)
www.jungegujarat.in
*જાહેરાત માટે સંપર્ક કરો
7574888861
"વંદે માતરમ ,ભારત માતાકી જય"
