કોલકત્તા,તા.૨૭
વડાપ્રધાન નરેન્દ્ર મોદીએ તાજેતરમાં જ એક ઈન્ટરવ્યૂમાં દાવો કર્યો હતો કે મમતા બેનરજી તેમના માટે કૂર્તા અને મિઠાઈ મોકલે છે. વિપક્ષના કેટલાક નેતાઓ સાથે તેમના ખૂબ સારા સંબંધ છે. જેના પર કોંગ્રેસના વરિષ્ઠ નેતા રાજ બબ્બરે પશ્ચિમ બંગાળના મુખ્યમંત્રી મમતા બેનરજી પર કટાક્ષ કરતા કહ્યુ કે, ‘તમને મોદીના કુર્તાની સાઈઝ કેવી રીતે ખબર છે?’
એક પ્રેસ કોન્ફરન્સ દરમિયાન રાજ બબ્બરે કહ્યુ કે, ‘પશ્ચિમ બંગાળની બે વસ્તુઓ દુનિયાભરમાં પ્રખ્યાત છે. એક છે પનીરમાંથી બનાવેલી મિઠાઈઓ અને બીજા ‘કુર્તા’. પરંતુ આજ સુધી મમતાજીએ આ બંનેમાંથી કિયારેય એક પણ વસ્તુ મને કે અન્ય કોઈ નેતાને મોકલાવી નથી.’ આ ઉપરાંત તેમણે કહ્યુ કે, બીજું બધું તો ઠીક પણ પ્રશ્ન એ છે કે મમતાજીને મોદીના કુર્તાની સાઈઝ કેવી રીતે ખબર છે?
અભિનેતા અક્ષય કુમારને આપેલા ઈન્ટરવ્યૂમાં વડાપ્રધાન મોદીએ કહ્યુ હતું કે, મમતા બેનરજી તેમને દર વર્ષે એક-બે વખત કુર્તા અને મિઠાઈઓ મોકલે છે. તેમજ બાંગ્લાદેશના વડાપ્રધાન શેખ હસીના પણ એક વર્ષમાં ત્રણ-ચાર વખત ઢાકાની ખાસ મિઠાઈઓ મોકલે છે. આ વિશે જ્યારે મમતા દીદીને જાણ થઈ તો તેમણે પણ મને વર્ષમાં એક-બે વખત મિઠાઈ મોકલવાનું શરૂ કરી દીધું.
"વંદે માતરમ ,ભારત માતાકી જય"
