મુખ્ય આરોપી પ્રશાંત નટને પોલીસે દબોચ્યો
લખનૌ,તા.૨૮
બુંલદશહેર હિંસામાં ઇન્સ્પેક્ટર સુબોધ કુમાર સિંહની ગોળી મારી હત્યા કરનાર મુખ્ય આરોપી પ્રશાંત નટને રાજ્યની પોલીસે દબોચી લીધો છે. પોલીસ અધિકારીની હત્યાનો ગુનો સ્વીકારતા આરોપીએ ચોંકાવાનારા ખુલાસા કર્યા હતા.
પોલીસ પૂછપરછમાં આરોપી પ્રશાંતે હત્યાનો ગુનો સ્વીકારી લીધો હતો. તેણે ખુલાસો કર્યો હતો કે, ઇન્સ્પેક્ટર સુબોધ સિંહ પર પહેલા પથ્થર મારો કરવામાં આવ્યો હતો, જેનાથી તેઓ અધમરા થઇ જાય. હિંસામાં માર્યા ગયેલ સુમિત અને કેટલાક લોકોએ સુબોધ કુમારને ખેતરમાં દોડાવ્યા હતા. જે દરમિયાન ઇન્સ્પેક્ટરે ફાયરિંગ કર્યું હતું અને ગોળી સુમિતની વાગી હતી. ત્યારબાદ ઇન્સ્પેક્ટરને પ્રશાંતે પાછળથી પકડીને તેમની જ સર્વિસ રિવોવ્લરથી ગોળી મારી હત્યા કરી હતી.
પોલીસ આરોપીને ઘટનાસ્થળે લઇ ગઇ હતી અને સમગ્ર ઘટનાને રિક્રિએટ પણ કરી હતી. હત્યારા પ્રશાંતને સિંકદરાબાદ-નોઇડા બોર્ડર દનકૌર રોડ પરથી ધરદબોચી લેવામાં આવ્યો હતો.
આ પહેલા ઉત્તરપ્રદેશના મુખ્યમંત્રી યોગી આદિત્યનાથે સમગ્ર મામલાને રાજકીય ષડયંત્રનું પરિણામ ગણાવ્યું હતું. સીએમ યોગી મુજબ બુંલદશહેરની એ ઘટના એક ષડયંત્ર હતું, જેનો ખુલાસો થઇ ચૂક્યો છે. આ ષડયંત્ર રાજકીય હતું.
"વંદે માતરમ ,ભારત માતાકી જય"
