મુંબઈ,તા.૧૪
મહારાષ્ટ્રની કોર્ટે આંધ્રપ્રદેશના મુખ્યમંત્રી એન.ચંદ્રબાબુ નાયડુ સહિત ૧૬ લોકો સામે બિન જામીનપાત્ર વોરંટ રજૂ કર્યું છે. આંધ્રપ્રદેશના સિંચાઇ મંત્રી દેવિનેમી ઉમામહેશ્વર રાવનો પણ તેમાં સમાવેશ છે. આ વોરંટ ૨૦૧૦માં એક પ્રદર્શનને લઈને બજાવવામાં આવ્યું છે. આ કેસમાં નાંદેડ જિલ્લાના ધર્માબાદમાં ન્યાયિક પ્રથમ વર્ગના મેજિસ્ટ્રેટ એનઆર ગજભિયેએ પોલીસને તમામ આરોપીઓની ધરપકડ કરી ૨૧ સપ્ટેમ્બર સુધી કોર્ટમાં રજૂ કરવાનો આદેશ આપ્યો હતો.
અવિભાજીત આંધ્રપ્રદેશમાં તે સમયે વિપક્ષમાં રહેલા નાયડૂ અને અન્યને મહારાષ્ટ્રમાં બાબલી પ્રોજેક્ટ અંગે વિરોધ દર્શાવતા તેમની ધરપકડ કરવામાં આવી હતી અને તેમને પૂણે જેલમાં રાખવામાં આવ્યા હતા. તેઓ તે આધાર પર પ્રોજેક્ટ સામે વિરોધ કરી રહ્યા હતા કે નીચલા હિસ્સામાં લોકો પ્રભાવિત થશે. બાદમાં તેમને છોડી દેવામાં આવ્યા પરંતુ તેમણે જામીન માંગ્યા ન હતા.
તેના પર જનસેવકને કામમાં અવરોધ ઊભો કરવા બદલ હુમલો અથવા અપરાધિક બળનો ઉપયોગ કરવો, હથિયાર અથવા અન્ય કોઈ રીતે ઇરાદાપૂર્વક હાની પહોંચાડવી, અન્યના જીવનું જાખમ ઊભું કરવું સહિત અન્ય આક્ષેપોન સમાવેશ છે. તો ધરપકડ વોરંટને ટીડીપીના પ્રવક્તા લંકા દિનકરે તેને પી.એમ. નરેન્દ્ર મોદી અને ભાજપ અધ્યક્ષ અમિત શાહનું કાવતરૂં ગણાવ્યું હતું. તેમણે જણાવ્યું કે, આંધ્રપ્રદેશના મુખ્યમંત્રી ચંદ્રબાબુ નાયડુ સામે બિન જામીન વોરંટ જારી થવું ખૂબ દુર્ભાગ્યપૂર્ણ છે.
(જી.એન.એસ)
જંગ એ ગુજરાત ના વેબ ન્યૂઝ પોર્ટલ માટે
માનદ પ્રતિનિધિ નિમવાના છે તો સંપર્ક કરો
MO. 9978406923
PRESS CARD આપવામાં આવશે.
આવતી કાલના સમાચાર પત્રો ના સંભવિત સમાચાર આજેજ નિહાળો.(રોજ રાત સુધી માં 100 થી વધુ સમાચાર માટે જોતા રહો)
www.jungegujarat.in
*જાહેરાત માટે સંપર્ક કરો
7574888861
"વંદે માતરમ ,ભારત માતાકી જય"
