મુંબઈ,તા.૧૯
સિનિયર ફિલ્મ સર્જક પ્રદીપ સરકાર ચૌદ વર્ષના સમયગાળા બાદ ફરી એકવાર વિદ્યા બાલન સાથે ફિલ્મ બનાવવાનું પ્લાનિંગ કરી રહ્યા હોવાની જાણકારી મળી હતી.
આ બંનેએ ચૌદ વર્ષ પહેલાં પરિણિતા ફિલ્મ બનાવી હતી જે એ સમયે હિટ ગણાઇ હતી. પ્રદીપ સરકાર બિનોદિની દાસી તરીકે જાણીતી મહિલાની કથા પરથી ફિલ્મ બનાવવાની યોજના ઘડી રહ્યા હતા. બંગાળી ભાષામાં આ મહિલા નોટી (નટીનો બંગાળી ઉચ્ચાર) બિનોદિની તરીકે ઓળખાય છે. મૂળ તવાયફ તરીકે ઓળખાથી બિનોદિનીને ૧૮મી સદીની આખરે પ્રસિદ્ધ નાટયકાર ગિરીશ ચંદ્ર ઘોષે એક નાટકમાં અભિનય કરવા મનાવી લીધી હતી. એ દિવસોમાં કોઇ સારા ઘરની મહિલા નાટકોમાં કે ત્યાર બાદ ફિલ્મોમાં કામ કરવા રાજી થતી નહોતી. બિનોદિનીએ એક નાટક કર્યા બાદ એ બંગાળી રંગભૂમિની સામ્રાજ્ઞા બની ગઇ હતી અને વરસો સુધી બંગાળી રંગભૂમિ પર એકચક્રી રાજ કર્યું હતું.
પ્રદીપ સરકારના પ્રવક્તાએ મિડિયા સાથે વાત કરતાં કહ્યું, આ કથા એવી છે જેમાં પાવરહાઉસ જેવા અદાકારની જરૃર પડે અને એટલેજ પ્રદીપદા વિદ્યાનો સંપર્ક સાધી રહ્યા છે. આ ફિલ્મ નટી બિનોદિનીની આત્મકથા અમર કથા પરથી બનશે જેમાં બિનોદિનીએ પોતાની સાથે પ્રેમનું નાટક કરીને પોતાની સાથે ખિલવાડ કરી ગયેલા પુરુષોની બેવફાઇની વાત કરી છે.
"વંદે માતરમ ,ભારત માતાકી જય"
