ન્યુ દિલ્હી,તા.૯
જમ્મુ-કાશ્મીરમાં આ વર્ષે સેનાના જવાનોએ ૨૨૩ આતંકીઓને ઠાર કર્યા છે. છેલ્લા આઠ વર્ષોમાં આ વર્ષે સૌથી વધુ આતંકવાદીઓનો સફાયો કર્યો છે. આ પહેલા ૨૦૧૦માં ૨૩૨ આતંકીઓ ઠાર કરાયા હતા. ગૃહ મંત્રાલયના આંકડાઓ અનુસાર, આ વર્ષે આતંકી પ્રવૃત્તિઓમાં ગયા વર્ષની સરખામણીએ નોંધપાત્ર વધારો નોંધાયો છે. ગયા વર્ષે લગભગ ૩૪૨ આતંકી ઘટનાઓ ઘટી હતી જ્યારે આ વર્ષે અત્યાર સુધીમાં ૪૨૯ આતંકી ઘટનાઓ ઘટી છે.
ગયા વર્ષે આતંકી ઘટનાઓમાં ૪૦ નાગરિકો માર્યા હયા હતા જ્યારે આ વર્ષે ૭૭ નાગરીકો માર્યા ગયા છે. ગયા વર્ષે આતંકીઓ સાથેની અથડામણ અને આતંકી હુમલાઓમાં ૮૦ જવાનો શહીદ થયા હતા જ્યારે આ વર્ષે પણ ૮૦ જવાનો શહીદ થયા છે. ઘાટીમાં આ વર્ષે પાકિસ્તાની આતંકીઓ દ્વારા કરવામાં આવેલ આતંકી હુમલાઓમાં વધારો નોંઘાયો છે. પાકિસ્તાની આતંકીઓને ઘાટીમાં તેમના સ્થાનિક આતંકીઓનો પણ સાથ મળી રહ્યો છે.
જમ્મુ-કાશ્મીરમાં આ વર્ષે હજી પણ વધુ આતંકીઓ ઠાર થઈ શકે છે. તેથી ગૃહ મંત્રાલય દ્વારા જાહેર કરાયેલ આંકડામાં વધારો નોંધાઈ શકે છે કારણકે હજી વર્ષ પૂર્ણ થવામાં ત્રણ મહિનાથી વધારાનો સમય બાકી છે. આ વર્ષે માર્યા ગયેલ ૨૨૩ આતંકીઓમાંથી ૯૩ આતંકીઓ વિદેશી હતા. ૧૫ સપ્ટેમ્બરના રોજ સ્થાનિક ચૂંટણી અને પંચાયતની જાહેરાત બાદ ૮૦ દિવસમાં જ ૮૧ આતંકીઓ ઠાર કરાયા છ. જ્યારે ૨૫ જૂનથી લઈને ૧૪ સપ્ટેમ્બર સુધીમાં ૫૧ આતંકીઓને ઠાર કરાયા હતા.
"વંદે માતરમ ,ભારત માતાકી જય"
