ન્યુ દિલ્હી,તા.૧૪
કોંગ્રેસ અધ્યક્ષ રાહુલ ગાંધીએ શુક્રવારે સીબીઆઈએ લીકર બેરોન વિજય માલ્યાને દેશ બહાર ભાગવામાં મદદ કરી હતી. રાહુલે આક્ષેપ કરતા જણાવ્યું કે સીબીઆઈએ પીએમની મંજૂરી વગર માલ્યાની લુકઆઉટ નોટિસને ડિટેઈનમાંથી ઈન્ફર્મમાં તબદીલ કરી તે વાત માનવામાં આવે તેમ નથી.
માલ્યાના મામલે કોંગ્રેસ અને ભાજપ વચ્ચે એકબીજા પર આક્ષેપ પ્રતિઆક્ષેપનો દોર ચાલી રહ્યો છે. બુધવારે વિજય માલ્યાએ જણાવ્યું હતું કે, ભારત છોડીને લંડન જતી વખતે તેણે નાણાંમંત્રી અરુણ જેટલીને મળીને વાત કરી હતી.
રાહુલ ગાંધીએ ટ્વીટ કરીને જણાવ્યું કે, માલ્યાને દેશ બહાર ભાગવા દેવા માટે સીબીઆઈએ ચૂપચાપ મદદ કરી હતી. માલ્યા વિરુદ્ધ ઈશ્યૂ કરાયેલી લુકઆઉટ નોટિસને ડીટેઈનમાંથી બદલીને ઈન્ફોર્મ કરવામાં આવી હતી. સીબીઆઈ સીધી વડાપ્રધાનને રિપોર્ટ કરે છે. જેથી આટલા હાઈપ્રોફાઈલ કેસમાં વડાપ્રધાનની મંજૂરી ના લેવાઈ હોય તે વાત ગળે ઉતરે તેવી નથી.
ગુરુવારે રાહુલ ગાંધીએ જેટલી પર આક્ષેપ કરતા જણાવ્યું કે, માલ્યાને સરળતાથી ભાગવા દેવા માટે જેટલી જૂઠ્ઠું બોલી રહ્યા છે. જ્યારે ભાજપે પલટવાર કરતા જણાવ્યું હતું કે, ગાંધી પરિવારે માલ્યાની ડૂબી રહેલી કિંગફિશર એરલાઈનને બચાવવા પ્રયાસ કર્યો હતો અને આ માટે એક ‘સ્વીટ ડીલ’ આપી હતી.
(જી.એન.એસ)
જંગ એ ગુજરાત ના વેબ ન્યૂઝ પોર્ટલ માટે
માનદ પ્રતિનિધિ નિમવાના છે તો સંપર્ક કરો
MO. 9978406923
PRESS CARD આપવામાં આવશે.
આવતી કાલના સમાચાર પત્રો ના સંભવિત સમાચાર આજેજ નિહાળો.(રોજ રાત સુધી માં 100 થી વધુ સમાચાર માટે જોતા રહો)
www.jungegujarat.in
*જાહેરાત માટે સંપર્ક કરો
7574888861
"વંદે માતરમ ,ભારત માતાકી જય"
