લાહોર,તા.૬
પાકિસ્તાનની ભ્રષ્ટાચાર નિરોધક સંસ્થાએ શુક્રવારે પીએમએલ-એન પ્રમુખ અને પંજાબના ભૂતપૂર્વ મુખ્યમંત્રી શહબાઝ શરીફની ભ્રષ્ટાચારના બે કેસમાં ધરપકડ કરી હતી. નેશનલ એસેમ્બલીમાં નેતા પ્રતિપક્ષ શહબાઝ (૬૭) પૂર્વ વડાપ્રધાન નવાજ શરીફના નાના ભાઇ છે.
પાકિસ્તાનના રાષ્ટ્રીય જવાબદારી બ્યુરો (નૈબ)ના પ્રવક્તા નવાજિશ અલી આસિમે જણાવ્યું કે, ‘શાહબાજ શરીફ શુક્રવારે નૈબ, લાહોરની એક તપાસ ટીમના સમક્ષ હાજર રહ્યા હતા. આશિયાના આવાસ યોજના અને પંજાબ સ્વચ્છ પાણી કંપનીના નિયમોનું ઉલ્લંઘન કરી પોતાની માનિતી કંપનીને કોન્ટ્રાકટ આપવાના કથિત સંલગ્નતા વિશે તેઓ તપાસકર્તાઓને સંતોષકારક જવાબ આપવામાં નિષ્ફળ રહ્યા હતા. ત્યારબાદ તેમની ધરપકડ કરવામાં આવી હતી.
અસીમે જણાવ્યું કે શહબાઝની કસ્ટડીની માગણી માટે તેમને શનિવારે એક જવાબદારી કોર્ટમાં રજૂ કરવામાં આવશે. શહબાઝ કથિત રૂપથી ૧૪ અબજ રૂપિયાની આશિયાના આવાસ યોજના અને ચાર અબજ રૂપિયાના પંજાબ સ્વચ્છ પાણી કંપનીમાં કૌભાંડમાં સંડોવાયેલા છે. સ્વચ્છ પાણી કંપની કેસમાં શહબાઝના નજીકના સંબંધી ઇમરાન યુસુફની પણ પૂછપરછ કરવામાં આવી રહી છે. તે બ્રિટન ભાગી ગયો છે અને નૈબે ગૃહ મંત્રાલયને ઇન્ટરપોલના માધ્યમથી તેને સ્વદેશ પરત લાવવા જણાવ્યું છે.
(જી.એન.એસ)
જંગ એ ગુજરાત ના વેબ ન્યૂઝ પોર્ટલ માટે
માનદ પ્રતિનિધિ નિમવાના છે તો સંપર્ક કરો
MO. 9978406923
PRESS CARD આપવામાં આવશે.
આવતી કાલના સમાચાર પત્રો ના સંભવિત સમાચાર આજેજ નિહાળો.(રોજ રાત સુધી માં 100 થી વધુ સમાચાર માટે જોતા રહો)
www.jungegujarat.in
*જાહેરાત માટે સંપર્ક કરો
7574888861
"વંદે માતરમ ,ભારત માતાકી જય"
