સ્વજનોને સમજાવીને લગ્ન રખાવ્યા મોકૂફ
આહવા, તા.૩
ડાંગ જિલ્લાના ગાઢવી ગામે એક લગ્ન સમારંભમાં સગિર વયના યુવક/યુવતિના લગ્ન થઇ રહ્નાની બાતમી મળતા, ડાંગ જિલ્લાના પ્રશાસને તુરત હરકતમાં આવીને પુરી ફૌજ સાથે લગન્મંડપમાં ધસી જઇ, બાળલગ્ન અટકાવવામાં સફળતા મેળવી છે.
જિલ્લા બાળલગ્ન પ્રતિબંધક અધિકારી-સહ-જિલ્લા સમાજ સુરક્ષા અધિકારી શ્રી જિગ્નેશ ચૌધરી તથા તેમની ટીમને ગાઢવી ગામે આયોજિત લગ્ન સમારંભના વરવધુ સગિર વયના હોવાની બાતમી મળી હતી. જેને પગલે શ્રી ચૌધરીએ તેમની ટીમ સહિત જિલ્લા બાળ સુરક્ષા એકમ, ૧૮૧-અભયમ, અને સ્થાનિક પોલીસની મદદથી ઘટના સ્થળે ધસી જઇ બાળલગ્ન અટકાવ્યા હતા. સ્થળ ઉપર આ અધિકારીઓએ વરવધુની ઉંમરના પુરાવા સહિતના દસ્તાવેજાની ચકાસણી હાથ ધરતા તેઓ બંન્ને સગિર વયના હોવાનું પુરવાર થયુ હતું. જેને લઇને લગન્વિધી અટકાવી તેમના વડીલો, સ્વજનો તથા ગ્રામજનોને બાળલગ્ન કરવો એ ગુનો છે તેમ સમજાવતા, બંન્ને પક્ષના સ્વજનોએ લગ્ન મોકૂફ રાખવા સંમત થયા હતા. વરવધુના સ્વજનોએ પ્રશાસનને પુખ્ત ઉંમરે જ લગન્ કરવાની લેખિત બાંહેધરી પણ આપી હતી. આમ, સરકારી ટીમની સતર્કતાને કારણે એક બાળલગ્ન અટકાવવામાં જિલ્લા પ્રશાસનને સફળતા મળી છે.
"વંદે માતરમ ,ભારત માતાકી જય"
