ચેન્નાઇ,તા.૨૫
હાર્ટ ટ્રાન્સપ્લાન્ટ જેવા ખર્ચાળ અને ખૂબ જ મુશ્કેલ કહી શકાય તેવા આૅપરેશનની દુનિયામાં તબીબોએ એક નવી સફળતા પ્રાપ્ત કરી છે. દેશમાં પ્રથમ કહી શકાય તેવા કિસ્સામાં ચેન્નાઈના તબીબોએ બે વર્ષના બાળકને બે વર્ષના જ બ્રેઇન ડેમેજ થયેલા બાળકનું હ્રદય ટ્રાન્સપ્લાન્ટ કર્યુ છે.ચેન્નાઈની ફોર્ટીસ મલાર હોસ્પિટલ ખાતે તબીબોએ આ આૅપરેશન કર્યુ હતું જેમાં તામિલનાડુના વીલ્લુપુરમના બાળકનું હ્રદય ટ્રાન્સપ્લાન્ટ કરાયું હતું.
બે વર્ષના બાળકને કાર્ડિયોપથી સાથે સિવિયર એલ વી ડાયફન્ક્શનની તકલીફ સર્જા હતી. ખૂબ જ સારવાર અને દવાઓ આપવા છતાં બાળકની સ્થિતિમાં કોઈ સુધારો થયો નહતો. તબીબોએ પરિવારજનોને સૂચના આપી હતી કે આ બાળકને બચાવવા માટે હાર્ટ ટ્રાન્સપ્લાન્ટ સિવાય કોઈ આૅપ્શન બાકી રહેતો હતો. પરિવારે તૈયાર દર્શાવતા બાળકની નોંધણી હાર્ટ ટ્રાન્સપ્લાન્ટ રજિસ્ટ્રીમાં કરવામાં આવી હતી.
ચેન્નાઈના આ બાળકનું નસીબ સારૂ હતું એટલે તેને મુંબઈમાં બ્રેઇન ડેમેજ થયેલા બાળકનું હ્રદય મળ્યું હતું. આ બાળક પણ બે વર્ષનું જ હતું અને તેને ૧૦મી ફેબ્રુઆરીએ ઇરિવર્સીબલ બ્રેઇન ડેમેજ થયું હતું. આ બાળકના પરિવારે ઓરગન ડોનેશન કરવાનો નિર્ધાન કર્યો હતો જેથી કરી અને ઓછામાં ઓછા ૬જણાની જીંદગી બચાવી શકાય. જાકે, ચેન્નાઈના બાળકના નસીબમાં આ હાર્ટ ટ્રાન્સપ્લાન્ટ થવાનું લખ્યું હોવાથી તેને અન્ય વેઇટિંગ લિસ્ટમાં સામેલ લોકો કરતાં પહેલાં આ હ્રદય મળી ગયું હતુ. ચેન્નાઈથી તબીબોની ટીમ એર એમ્બુલન્સના માધ્યમથી મુંબઈ ગઈ હતી અને તેને આ હ્રદય મળ્યું હતું.
આ કિસ્સામાં ૨ વર્ષનો ઓરગન ડોનર દેશનો સૌથી નાની વયનો ઓરગન ડોનર તરીકે નોંધાયો હતો. આ ડેલિકેટ આૅપરેશનને ડા. આર. બાલાક્રિષ્નન, ડા, સુરેશ રાવય દ્વારા કરવામાં આવ્યું હતું. સૌથી મહત્વપૂર્ણ બાબત એ હતી કે આ સમગ્ર આૅપરેશનનો ખર્ચ વીમાની સ્કીમ અંતર્ગત ઊઠાવવામાં આવ્યો હતો જેમાં એક વર્ષ સુધીના દવાના ખર્ચની પણ જાગવાઈ હતી.
"વંદે માતરમ ,ભારત માતાકી જય"
