કોચ્ચિ,તા.૧૦
કેરળ હાઈકોર્ટે પોતાના એક આદેશમાં કહ્યું કે કોઈ વ્યકિત પોતાની પાસે અશ્લિલ તસવીરો ફક્ત રાખી મુકે તો તે દંડપાત્ર ગુનો નથી. કોર્ટે એક વ્યકિત અને એક મહિલા વિરુદ્ધ ફોજદારી કેસને રદ કરતા આ ટિપ્પણી કરી છે. જાકે કોર્ટે આ સાથે સ્પષ્ટતા કરી હતી કે આવી તસવીરો કોઈને મોકલવી અથવા તેનું પ્રકાશન કરવું દંડપાત્ર ગુનો બને છે.
ન્યાયાધીશ રાજા વિજયવર્ગીય દ્વારા એક કેસની સુનાવણી દરમિયાન કહેવામાં આવ્યું કે, ‘જો કોઈ વયસ્ક વ્યકિત પોતાની કોઈ તસવીર જે અશ્લીલ હોય તે પોતાની પાસે રાખે છે તો તેના પર ૧૯૬૮ના કાયદાની કલમ ૬૦ અંર્તગત ત્યાં સુધી કોઈ કાર્યવાહી ન થી શકે જ્યાં સુધી તે તસવીરોને કોઈ અન્ય ઉદ્દેશ્ય સાથે જાહેર કરવામાં અથવા છાપવામાં કે પછી વહેંચણી કરવામાં ન આવી હોય.’
કેરળ હાઈકોર્ટે એક વ્યકિત અને મહિલા વિરુદ્ધ નોંધવામાં આવેલ અશ્લિલ તસવીર અંગેની ફરિયાદમાં કેસને રદ કરવા માટે કરવામાં આવેલ અરજીની સુનાવણી દરમિયાન આ ચૂકાદો આપ્યો હતો. આ કેસ કેરળના કોલ્લમની એક મેજિસ્ટ્રેટ કોર્ટમાં પેન્ડિંગ હતો. આ કેસ ૨૦૦૮માં નોંધવામાં આવ્યો હતો.
પોલીસે કોલ્લમમાં રોજીંદા ચેકિંગ દરમિયાન બસમાં બે વ્યકિતઓ શંકાસ્પદ લાગતા તેમની બેગ ચેક કરી હતી જેમાંથી બે કેમેરા મળ્યા હતા જે પૈકી એકમાં અશ્લિલ તસવીર અને વીડિયો હતા. જે બાદ બંને વિરુદ્ઘ ગુનો નોંધવામાં આવ્યો હતો.
"વંદે માતરમ ,ભારત માતાકી જય"
