મેલબર્ન,તા.૧૬
ઓસ્ટ્રેલિયન ઓપન પુરૂષ ડબલ્સની ઈવેન્ટમાં ભારતીય પડકાર પ્રથમ દિવસે જ સમાપ્ત થઈ ગયો છે. ભારતીય ખેલાડીઓની ત્રણેય જાડીઓનો પ્રથમ રાઉન્ડમાં જ પરાજય થયો હતો. ભારતના ૧૫મી વરીયતા પ્રાપ્ત રોહન બોપન્ના અને દિવિજ શરણની જાડીને સ્પેનના પાબ્લો કારેનો બસ્તા અને ગુલિરેમો ગાર્સિયા લોપેજની જાડીએ ૬-૧, ૪-૬, ૭-૫થી પરાજય આપ્યો હતો. ટાટા ઓપન મહારાષ્ટÙ જીત્યા બાદ આ ભારતીય જાડીનો પ્રથમ રાઉન્ડમાં આ સતત બીજા પરાજય છે. ગત સપ્તાહે તે સિડની ઈન્ટરનેશનલમાં પણ હારી ગયા હતા.
૨૪મી વખત ઓસ્ટ્રેલિયન ઓપનમાં રમી રહેલા લિએન્ડર પેસ અને મિગુલ એંજેલ રેયેસ વારેલાને અમેરિકાના આÂસ્ટન ક્રાઇજેક અને ન્યૂઝીલેન્ડના અર્ટેમ સિટાકે ૭-૫, ૭-૬થી પરાજય આપ્યો હતો. જીવન નેંદુચેઝિયાન અને નિકોલસ મુનરોની જાડીને કેવિન કે અને નિકોલા મેકટિચે ૪-૬, ૭-૬, ૭-૫થી પરાજય આપ્યો હતો. પ્રજનેશ ગુણેશ્વરન પણ ક્વોલિફાયરના મુખ્ય ડ્રોમાં આવ્યા બાદ પ્રથમ રાઉન્ડમાં હારી ગયો હતો. તો રામકુમાર રામનાથન, અંતિકા રૈના અને કરમન કૌર થાંડી મુખ્ય ડ્રો માટે ક્વોલિફાય કરવામાં અસફળ રહ્યાં હતા.
"વંદે માતરમ ,ભારત માતાકી જય"
