સીટોની વહેંચણી મામલે જેડીયૂ અને કોંગ્રેસના નિવેદનો આમને-સામને
૯ ફેબ્રુઆરીએ કોંગ્રેસે તમામ રાજ્યોના કોંગ્રેસ અધ્યક્ષોને બેઠક માટે દિલ્હી બોલાવ્યા
પટના,તા.૫
લોકસભા ચૂંટણીમાં ભાજપા વિરુદ્ધ દેશના લગભગ બધી જ રાજકીય પાર્ટીઓ મહાગઠબંધનથી જાડાઇ છે. પરંતુ જેમ-જેમ ચૂંટણીનો સમય નજીક આવી રહ્યો છે, તેમ-તેમ મહાગઠબંધનમાં સીટોની વહેંચણી મામલે ગૂંચવણ વધી રહી હોવાના અહેવાલ છે.
સીટોની વહેંચણી મામલે બિહાર કોંગ્રેસ અધ્યક્ષ મદન મોહન ઝાએ દાવો કર્યો છે કે, ૧૦ ફેબ્રુઆરી પછી મહાગઠબંધનમાં સીટોની વહેંચણી પર અંતિમ વિચારણા કરવામાં આવશે. જ્યારે જેડીયૂએ કોંગ્રેસના દાવાથી તદન વિરુદ્ધ જ નિવેદન આપતા જાહેરાત કરી છે કે, જ્યાં સુધી રાહુલ ગાંધી હોટવાર જેલમાં લાલૂ પ્રસાદ સામે માથુ નહી ટેકવે ત્યાં સુધી સીટોની વહેંચણીનો કોઇ નિર્ણય લેવાશે નહી.
એક તરફ કોંગ્રેસની જન આકાંક્ષા રેલી સમાપ્ત થઇ ચૂકી છે, પરંતુ હજુ સુધી મહાગઠબંધનમાં સીટોની વહેંચણી મામલે કોઇ નિર્ણય લેવાયો નથી. અહીં સુધી કે આ મામલે કોઇ પ્રક્રિયા પણ શરુ કરાઇ હોવાના અણસાર નથી. સૂત્રોની માહિતી મુજબ મહાગઠબંધનના બધા જ દળોમાં આ મામલે મોટી તિરાડ પડી છે.
૯ ફેબ્રુઆરીએ કોંગ્રેસ અધ્યક્ષે દેશના તમામ રાજ્યોના કોંગ્રેસ અધ્યક્ષોને બેઠક માટે દિલ્હી બોલાવ્યા છે. આ બેઠકનો મુખ્ય ઉદેશ લોકસભા ચૂંટણીની તૈયારી હોવાનું માનવામાં આવી રહ્યું છે. સંભવત આ બેઠકમાં સીટોની વહેંચણીનો નિર્ણય પણ લેવાશે.
બીજી તરફ માનવામાં આવી રહ્યું છે કે, લાલૂ પ્રસાદ યાદવ કોંગ્રેસને પોતાની સામે ઝૂકાવવાના પ્રયત્ન કરી રહ્યા છે જેના કારણે મહાગઠબંધનમાં સીટોની વહેંચણીનો મુદ્દો હજી સુધી ઉકેલાયો નથી. સીટોની વહેંચણી મામલે જેડીયૂના પ્રવક્તા નીરજ કુમારે જાહેરાત કરી હતી કે, જ્યાં સુધી રાહુલ ગાંધી હોટવાર જેલમાં માથુ નહી ટેકવે, ત્યાં સુધી સીટોની કોઇ વહેંચણી નહી થાય. મહાગઠબંધનમાં સીટોની વહેંચણી મામલે આરજેડી નિશ્ચિત મુદ્રામાં છે.
"વંદે માતરમ ,ભારત માતાકી જય"
