મૃતક ખોડાભાઈ બાબરીયા પરિવારથી અલગ રહેતા હતા
સુરત, તા.૨૨
શહેરના કતારગામના પાંડોળ વિસ્તારમાં એક આધેડની નિર્મમ હત્યા કરાયેલો મૃતદેહ મળી આવતા ચોક બજાર પોલીસ દોડતી થઈ ગઈ હતી.
મૃતક ખોડાભાઈ વિરજીભાઈ બાબરીયા (ઉ.વ.આ. ૫૦) રહે વેડ રોડ પડોળમાં બાબા સીતારામ નગરના રહેવાસીની માથામાં પથ્થરના ઘા કરવામાં આવ્યા હતા.ઉપરાંત તેના શરીર ઉપર ચપ્પુના ઘા પણ કરાયા હતા.ખોડાભાઈનું પરિવાર વરાછામાં રહેતું હોવાનું અને ખોડાભાઈ પરિવારથી અલગ રહેતા હોવાનું બહાર આવ્યું છે. ખોડાભાઈ જેરામ મોરાની વાડીમાં રત્નકલાકાર તરીકે કામ કરતા હતા.ખોડાભાઈનું કેટલાક અજાણ્યા ઈસમોએ ચપ્પુના ઘા ઝીંકી હત્યા કરી ભાગી જતા પોલીસે નાકાબંધી કરી તમામને ઝડપી પાડવાની દિશામાં તપાસ હાથ ધરી હતી. ઘટનાની જાણ થતા જ પોલીસ કાફલો ઘટના સ્થળે પહોંચી ગયો હતો. ધોળે દિવસે યુવાનની હત્યા પાછળ ઘેરાતું રહસ્ય જાણવા પોલીસે આજુબાજુના લોકોની પૂછપરછ હાથ ધરી છે.
"વંદે માતરમ ,ભારત માતાકી જય"
