મથુરા,તા.૧
દેશભરમાં ઉચ્ચ શિક્ષણના માપદંડ કરનાર સર્વોચ્ચ સંસ્થા યુનિવર્સિટી ગ્રાન્ટ કમિશન(યુજીસી)ના ધ્યાનમાં આવ્યું છે કે, રાજ્ય સરકાર હસ્તકની અ્ને ખાનગી કે ડિમ્ડ યુનિવર્સિટીઓમાં ૮૦ હજાર અધ્યાપકો ફક્ત કાગળ પર કામ કરી રહ્યાં છે. આ બોગસ અધ્યાપકો બનાવટી રીતે પૂર્ણકાલીન તરીકે શિક્ષણકાર્ય કરી રહ્યાં છે.
વર્ષ ૨૦૧૬-૧૭ના સર્વેમાં પ્રાપ્ત થયેલાં આંકડાના આધારે સરકારી અને ખાનગી યુનિવર્સિટીઓના ઉચ્ચ શિક્ષણ સંસ્થામાં કાગળ પર કામ કરતા આ બોગસ અધ્યાપકોને તાત્કાલીન ધોરણે હટાવી દેવા આદેશ કરવામાં આવ્યો છે. આ જાણકારી યુનિવર્સિટી ગ્રાન્ટ કમિશનના ચેરમેન પ્રો.ધીરેન્દ્ર પાલ સિંહએ અહીંયાની પંડિત દીનદયાળ ઉપાધ્યાય પશુઆરોગ્ય વિજ્ઞાન યુનિવર્સિટી અને ગૌ અનુસંધાન સંસ્થાના ૮મા પદવીદાન સમારોહમાં મુખ્યઅતિથિ તરીકે વક્તવ્યમાં જણાવ્યું હતું.
એક સવાલના જવાબમાં એમણે જણાવ્યું કે, આ સાચું છે કે હમણાં સુધી પ્રાથમિક અને માધ્યમિક સ્કૂલોમાં બોગસ શિક્ષકોની ભરતીની ફરિયાદ મળતી હતી, એ પ્રકારની ફરિયાદ ઉચ્ચ શિક્ષણમાં પણ અખિલ ભારતીય ઉચ્ચતર શિક્ષણ સર્વેક્ષણ ૨૦૧૬-૧૭માં ૮૦ હજારથી વધુ પ્રોક્સી ટીચર્સ(અધ્યાપક)ની ચોકાવનારી વિગતો બહાર આવી છે.
યુજીસી ચેરમેન પ્રો.ધીરેન્દ્ર પાલ સિંહે કહ્યું કે, ઓ બોગસ અધ્યાપકોની કાઢી મૂકવા રાજ્ય સરકારોને નિર્દેશ આપ્યા છે અ્ને એમના આધાર કાર્ડ સહિતના ચોક્કસ ઓળખપત્ર દ્વારા એમની ઓળખ કરી સિસ્ટમમાંથી તગેડી મૂકવા કહેવામાં આવ્યું છે.
યુજીસી ચેરેમેને વધુમાં કહ્યું કે, ગુણવત્તાની રીતે શ્રેષ્ઠ યુનિવર્સિટીઓ છે, એમનુ અપગ્રેડેશન કરાશે અને એમને સ્વાયતત્તા આપવામાં પહેલ કરાશે. જેના કારણે એ સ્વાયત્ત રીતે નિર્ણય લેવામાં સક્ષમ બનશે.
તેમણે અન્ય એક પહેલ સંદર્ભે કહ્યું કે, હવે પીએચડીની ડિગ્રી માટે વિષયની પસંદગી સમયે એ ક્ષેત્ર સંલગ્ન એવા વિષયોને પ્રાથમિકતા અપાશે કે જે વિષયો એ ક્ષેત્ર, સામાજિક વાતાવરણ માટે પ્રાસંગિક હોય અને શોધ કાર્ય એ વિષયો પર આધારિત હોય.
(જી.એન.એસ.)
જંગ એ ગુજરાત ના વેબ ન્યૂઝ પોર્ટલ માટે
માનદ પ્રતિનિધિ નિમવાના છે તો સંપર્ક કરો
MO. 9978406923
PRESS CARD આપવામાં આવશે.
આવતી કાલના સમાચાર પત્રો ના સંભવિત સમાચાર આજેજ નિહાળો.(રોજ રાત સુધી માં 100 થી વધુ સમાચાર માટે જોતા રહો)
www.jungegujarat.in
*જાહેરાત માટે સંપર્ક કરો
7574888861
"વંદે માતરમ ,ભારત માતાકી જય"
