મુંબઈ,તા.૧૬
અમેરિકન ડોલર સામે ભારતીય રૂપિયાનો રકાસ ગુરુવારે પણ ચાલુ રહ્યો છે. ફોરેક્સ બજાર ખુલતા જ રૂપિયો ૪૩ પૈસા ગગડીને ૭૦.૩૨ની અત્યાર સુધીની સૌથી નીચેની સપાટીએ ટ્રેડ થયો હતો. અગાઉના ૬૮.૮૯ના બંધ સામે રૂપિયો ડોલર સામે સવારે ૭૦.૨૫ના સ્તરે ખૂલ્યો હતો. ત્યારબાદ ૭૦.૩૨ની ઐતિહાસિક લો સપાટીએ ગગડ્યો હતો.
આયાતકારો દ્વારા ડોલરમાં નોંધપાત્ર માગ નિકળતા સ્થાનિક ચલણ પર દબાણ જાવા મળ્યું હોવાનું ફોરેક્સ ડીલર્સે જણાવ્યું હતું. દરમિયાન વેપાર ખાધમાં તીવ્ર વધારો નોંધાયો હોવાથી પણ રૂપિયાનો રકાસ જાવા મળી રહ્યો છે. વાણિજ્ય મંત્રાલયે જાહેર કરેલા ડેટા મુજબ વેપાર ખાધ પાંચ વર્ષની સર્વોચ્ચ સપાટીએ ૧૮ અબજ યુએસ ડોલર થઈ હતી.
આ ઉપરાંત તુર્કીના ચલણ લિરામાં ધોવાણને પગલે ડોલર સામે રૂપિયામાં ધબડકો જાવા મળી રહ્યો છે. યુએસ દ્વારા એલ્યુમિનિયમ અને સ્ટીલની આતાય પર પ્રતિબંધ મૂકવામાં આવ્યો હોવાથી તેની પ્રતિકૂળ અસર ભારતીય રૂપિયા પર પડી હતી. મંગળવારે રૂપિયો ચાર પૈસા સુધર્યો હતો અને ૬૮.૮૯ બંધ રહ્યો હતો.
(જી.એન.એસ.)
જંગ એ ગુજરાત ના વેબ ન્યૂઝ પોર્ટલ માટે
માનદ પ્રતિનિધિ નિમવાના છે તો સંપર્ક કરો
Mo. 9978406923
PRESS card આપવામાં આવશે
"વંદે માતરમ ,ભારત માતાકી જય"
