કેરળમાં ૯૬ વર્ષનાં વૃદ્ધાએ ચોથા ધોરણમાં એડમિશન મેળવ્યું

અલપુઝા,તા.૨૩
આમ તો સામાન્ય રીતે એવુ કહેવાય છે કે ભણવાની કે શિખવાની કોઈ ઉમર હોતી નથી ત્યારે કેરળના અલપુઝા જિલ્લામાં રહેતાં ૯૬ વર્ષનાં એક વૃદ્ધાએ ચોથા ધોરણમાં એડમિશન લઈને ભણવાનું શરૂ કર્યુ છે. એટલુ જ નહિ પણ તેમણે દસમા ધોરણ સુધી ભણવાનુ ચાલુ રાખવા ઈચ્છા વ્યકત કરી છે.
સ્થાનિક મીડિયાના જણાવ્યા અનુસાર જાન્યુઆરી ૨૦૧૮માં ચેપ્પડ ગ્રામ પંચાયતની સાક્ષરતા ટીમ સરકાર દ્વારા બુઝુર્ગ માટે બનાવેલી સક્ષમ વેદુ કોલોની ગઈ હતી ત્યારે આ કોલાનીમાં રેહતા મોટાભાગની બુઝુર્ગ મહિલાઓએ તે સમયે સાક્ષરતા મિશનથી બચવા કોશિશ કરી હતી.
પરંતુ ત્યારે અલપુઝા જિલ્લામાં રેહતા ૯૬ વર્ષના કર્થયાયની અમ્મા તેમાં સામેલ થવા તૈયાર થઈ ગયાં હતાં. અને તે મુજબ તેઓ હાલ ભણી રહ્યા છે અને આ વખતે ચોથા ધોરણમાં પ્રવેશ મેળવી આગળ ભણી રહ્યા છે તેઓ હાલ ગણિતનો અભ્યાસ કરે છે. તેમજ મલયાલમ આલ્ફાબેટ પણ શિખી રહ્યા છે. અને હજુ તેઓ અંગ્રેજી પણ શિખવા માગે છે. તેથી તેમના માટે કોર્સ તૈયાર થઈ રહ્યો છે.
આ અંગે અમ્માએ જણાવ્યુ કે તેમને થોડાં વર્ષ પહેલાં ભણવાની ઈચ્છા થઈ હતી. અને તે પણ તેમની પુત્રીને સારું ભણતાં જાઈને,અમ્માની પુત્રીએ પણ ૬૦ વર્ષે લિટકરેસી મિશનનો કોર્સ પાસ કર્યો છે. અમ્માની આવી પહેલ બાદ અન્ય ૩૦ બુઝુર્ગોએ પણ ભણવાનું ચાલુ કર્યું છે. તેમણે જણાવ્યું કે તેઓએ ૧૨ વર્ષની વયે ભણવાનું છોડી દીધું હતું. તેમના પિતા ટયૂટર હતા. તેઓ ભણવાનું છોડી મંદિરમાં કામ કરતા હતા. પણ હવે ફરી ભણવાની ઈચછા થતા ફરી ભણવાનું ચાલુ કર્યુ છે.

(જી.એન.એસ)

જંગ એ ગુજરાત ના વેબ ન્યૂઝ પોર્ટલ માટે
માનદ પ્રતિનિધિ નિમવાના છે તો સંપર્ક કરો
Mo. 9978406923

ગુજરાતના તમામ સ્થળે પ્રેસ પ્રતિનિધિ નિમવાના છે રસ ધરાવતા યુવક- યુવતીઓ સંપર્ક કરે. +91 9978406923

"વંદે માતરમ ,ભારત માતાકી જય"