દોષિતોને સજા અપાવવા માટે પાકિસ્તાન પર દબાણ વઘારવામાં આવશેઃ પોમ્પિયો
વોશિંગ્ટન,તા.૨૬
મુંબઈ શહેર અને સમગ્ર ભારત ૨૦૦૮ની ૨૬ નવેમ્બરે કરાયેલા ભયાનક ત્રાસવાદી હુમલાઓની ૧૦મી વરસી આજે મનાવે છે ત્યારે અમેરિકામાંથી એવા સમાચાર આવ્યા છે કે આ હુમલાઓના સૂત્રધારો વિશે માહિતી આપનારને અમેરિકા સરકાર ૫૦ લાખ ડોલરનું રોકડ ઈનામ આપશે. ૨૬/૧૧ના હુમલાઓમાં ૧૬૬ જણ માર્યા ગયા હતા જેમાં ૬ અમેરિકન પણ હતાં.
અમેરિકાના વિદેશ પ્રધાન માઈક પોમ્પીઓએ એક નિવેદન દ્વારા આ ઈનામની જાહેરાત કરી છે. એમણે કહ્યું છે કે મુંબઈના હુમલાઓમાં ભોગ બનેલા લોકોનાં પરિવારજનોને ન્યાય મળવો જાઈએ. મુંબઈના હુમલાઓનું ષડયંત્ર ઘડનારાઓને હજી સુધી એમની સંડોવણી માટે અપરાધી જાહેર કરાયા નથી. અમે તમામ દેશોને, ખાસ કરીને પાકિસ્તાનને અનુરોધ કરીએ છીએ કે તેઓ યુનાઈટેડ નેશન્સની સુરક્ષા પરિષદ પ્રતિ એમની જવાબદારીઓ નિભાવે અને લશ્કર-એ-તૈબા તથા એના સાથી જૂથો સહિત મુંબઈના હુમલાઓ માટે જવાબદાર ત્રાસવાદીઓ સામે પગલાં ભરે.
આ ઈનામ અગાઉ અમેરિકાના વિદેશ મંત્રાલયના રીવોડ્ર્સ ફોર જસ્ટિસ પ્રોગ્રામ અંતર્ગત જાહેર કરવામાં આવ્યું હતું, પણ હવે એને મુંબઈના ૨૬/૧૧ હુમલાઓનું ષડયંત્ર ઘડવામાં કે એમાં મદદ કરનારા જે કોઈ સંડોવાયેલા હોય એમની ધરપકડ કરવા કે એમને અપરાધી જાહેર કરવામાં મદદરૂપ થાય એવી માહિતી આપનાર લોકો સુધી લંબાવવામાં આવ્યું છે.
૨૦૦૮ની ૨૬ નવેમ્બરે પાકિસ્તાનના બંદૂકધારીઓના એક જૂથે મુંબઈમાં ઘૂસી જઈને શ્રેણીબદ્ધ હુમલા શરૂ કર્યા હતા. એને પગલે મુંબઈ એક વોર ઝોનમાં ફેરવાઈ ગયું હતું. ત્રાસવાદીઓએ દક્ષિણ મુંબઈમાં બે લક્ઝરી હોટેલ્સ (તાજમહેલ પેલેસ અને ટ્રાઈડેન્ટ), એક યહુદી પ્રાર્થના સ્થળ, એક ટૂરિસ્ટ રેસ્ટોરન્ટ (લીઓપોલ્ડ કેફે) અને એક રેલવે સ્ટેશન (છત્રપતિ શિવાજી ટર્મિનસ)ને ટાર્ગેટ બનાવ્યા હતા. હત્યાકાંડ ત્રણ દિવસ સુધી ચાલ્યો હતો અને એમાં વિદેશી પર્યટકો સહિત ૧૬૬ જણ માર્યા ગયા હતા અને બીજા સેંકડો લોકો ઘાયલ થયા હતા.
(જી.એન.એસ)
જંગ એ ગુજરાત ના વેબ ન્યૂઝ પોર્ટલ માટે
માનદ પ્રતિનિધિ નિમવાના છે તો સંપર્ક કરો
Mo. 9978406923
PRESS card આપવામાં આવશે.
આવતી કાલના સમાચાર પત્રો ના સંભવિત સમાચાર આજેજ નિહાળો.(રોજ રાત સુધી માં 100 થી વધુ સમાચાર માટે જોતા રહો)
www.jungegujarat.in
*જાહેરાત માટે સંપર્ક કરો
7574888861
"વંદે માતરમ ,ભારત માતાકી જય"
