ન્યુ દિલ્હી,તા.૨૩
પેટીએમના માલિક વિજય શેખર શર્માનો પર્સનલ ડેટા ચોરીને ૨૦ કરોડ રૂપિયાની ખંડણી માંગવાની ઘટના સામે આવી છે. વિજય શર્માનો ખાનગી ડેટા કંપનીના જ ત્રણ કર્મચારીઓએ ચોર્યા હતા અને બાદમાં વિજય શેખરને બ્લેકમેલ કરવામાં આવ્યા હતા. આ અંગે નોઇડા સેક્ટર ૨૦માં ફરિયાદ નોંધવામાં આવી છે. પોલીસે બ્લેકમેલ કરનાર ત્રણ કર્મચારીઓની ધરપકડ કરી છે. જેમાં એક મહિલાનો પણ સમાવેશ છે જે વિજયની સેક્રેટરી છે.
નોઈડાના એસએસપી અજય પાલ શર્માના જણાવ્યા મુજબ વિજય શર્માએ તેમને ફરિયાદ કરી હતી કે કોઈ તેમને બ્લેકમેલ કરી રહ્યું છે. વિજય શર્માએ જણાવ્યું કે ૨૦ સપ્ટેમ્બરના રોજ જ્યારે તેઓ જાપાનમાં હતા ત્યારે તેમના પર થાઈલેન્ડના કોઈ નંબરથી ફોન આવ્યો હતો. તે વ્યક્તિએ દાવો કર્યો કે વિજય શર્માનો ખાનગી ડેટા તેની પાસે છે. બ્લેકમેલરે તેની પાસે રૂ.૨૦ કરોડની ખંડણી માગી હતી.
આ સાથે તેણે જણાવ્યું હતું કે જા તેઓ પૈસા નહીં આપે તો તેમનો અંગત ડેટા જાહેર કરી દેવામાં આવશે. જેથી વિજય શેખરની ઈમેજ ખરાબ થઈ જશે. બ્લેકમેલરે જણાવ્યું કે તેમને આ ડેટા કંપનીના જ એડમિન ડિપાર્ટમેન્ટમાં કામ કરતાં રાહુલ અને દેવેન્દ્ર પાસેથી મળ્યો છે. સાથે આ બંને કર્મચારીઓને વિજય શર્માનો પર્સનલ ડેટા કંપનીમાં સેક્રેટરી તરીકે કામ કરતી સોનિયા પાસેથી મળ્યો છે. બ્લેકમેલરે એ પણ જણાવ્યું કે ખંડણીની રકમનો ૧૦ ટકા ભાગ રાહુલ અને દેવેન્દ્રને પણ આપવામાં આવશે.
કંપનીના સીનિયર વાઇસ પ્રેસિડેંટ અને વિજય શર્માના ભાઇ અજય શર્માએ જણાવ્યું કે બ્લેકમેલરને ખાતરી અપાવવા માટે તેમણે બ્લેકમેલર દ્વારા જણાવવામાં આવેલા એક બેંક અકાઉન્ટમાં ૨ લાખ રૂપિયા ટ્રાન્સફર પણ કરી દીધા હતા, તેથી બાદમાં તેમને પૂરાવા સાથે પકડી શકાય. વિજય શેખરે જણાવ્યું કે મારા જ કર્મચારીઓએ આવું કામ કર્યું છે, તેનો મને વિશ્વાસ નથી થતો.
ફરિયાદ મળતા જ નોઇડા પોલીસ સેક્ટર ૫માં આવેલી કંપનીની ઓફિસમાં પહોંચી હતી અને ત્રણેય આરોપીઓ- સેક્રેટરી સોનિયા, રાહુલ અને દેવેન્દ્રની ધરપકડ કરી હતી. પોલીસ મુજબ આ સમગ્ર ઘટનાની માસ્ટરમાઇન્ડ સોનિયા છે. પરંતુ આખરે તેને ઇલેક્ટ્રોનિક સર્વેલન્સની મદદથી પકડવામાં આવી.
(જી.એન.એસ)
જંગ એ ગુજરાત ના વેબ ન્યૂઝ પોર્ટલ માટે
માનદ પ્રતિનિધિ નિમવાના છે તો સંપર્ક કરો
MO. 9978406923
PRESS CARD આપવામાં આવશે.
આવતી કાલના સમાચાર પત્રો ના સંભવિત સમાચાર આજેજ નિહાળો.(રોજ રાત સુધી માં 100 થી વધુ સમાચાર માટે જોતા રહો)
www.jungegujarat.in
*જાહેરાત માટે સંપર્ક કરો
7574888861
"વંદે માતરમ ,ભારત માતાકી જય"
